K

den-lil2 lugal kur-kur-ra ab-ba dingir-dingir-re2-ne-ke4 inim gi-na-ni-ta dnin-ĝir2-su dšara2-bi ki e-ne-sur
 me-silim lugal kiški-ke4 inim dištaran-na-ta eš2 GAN2 be2-ra ki-ba na bi2-ru2
 uš ensi2 ummaki-ke4 nam inim-ma diri-diri-še3 e-ak
 na-ru2-a-bi i3-pad
 eden lagaški-še3 i3-ĝen
 dnin-ĝir2-su ur-sag den-lil2-la2-ke4 inim si-sa2-ni-ta ummaki-da dam-ḫa-ra e-da-ak
 inim den-lil2-la2-ta sa šu4 gal bi2-šu4
 SAḪAR.DU6.TAKA4-bi eden-na ki ba-ni-us2-us2
 e2-an-na-tum2 ensi2 lagaški pa-bil3-ga en-mete-na ensi2 lagaški-ka-ke4 en-a2-kal-le ensi2 ummaki-da ki e-da-sur
 e-bi id2 nun-ta gu2-eden-na-še3 ib2-ta-ni-ed2
 GAN2 dnin-ĝir2-su-ka 180 30 1/2 eš2 niĝ2-ra2 a2 ummaki-še3 mu-tak4
 GAN2 lugal nu-tuku i3-kux(DU)
 e-ba na-ru2-a e-me-sar-sar
 na-ru2-a me-silim-ma ki-bi bi2-gi4
 eden ummaki-še3 nu-dab5
 im-dub-ba dnin-ĝir2-su-ka nam-nun-da-ki-gar-ra bara2 den-lil2-la2 bara2 dnin-ḫur-sag-ka bara2 dnin-ĝir2-su-ka bara2 dutu bi2-du3

Cannabis